كل يوم ضحى

اولا اهني بالمنتدى الجديد وارجو ان يكون واحه للأفكار الجميله وابدى اعجابى بالحكمه الوارده

شكرا عزيزتي على المشاركة الفعالة

كلام جميل
واهنيكم على المنتدى الرائع

احلى كلام
واحلى منتدى
وسلام لجميع الأعضاء
وخاصه ورده البنفسج

شكرا لكم حبايبي مروركم الحلو
بس وين سوالف الضحى

افكر الضحى اروح السوق مع انه زحمة الناس تجهز للعيد مدري منو قايل لهم العيد يفرح بشوفتهم ههههههههههههه
شنوممكن نسوي عشان العيد يفرح بشوفتنا

هاي اشلونكم صج مو ضحى ألحين بس حبيت اقول لكم اني مشتاقة لسوالفكم كتبوا اي شي حتى لو بس تسلمون وتطلعون يعني نكسب شوفتكم بالنهاية
موقف مر عليكم بدوا
م او بالسوق او تهاوشتوا مع الخدامة .....

انا غداي اليوم سويته بزيادة شوي حتى يكفي للعشا
اي فاضية انا اطبخ غدا وعشا وجبة وحدة ومش حالك
بصراحة ابيخ واتعس شي عندي الطبخ موضة قديمة ولا تبي تنتهي شكو كل يوم اطبخ لا تطبخ وين قاعدين
ودي اخترع اكل ما ينطبخ خير شر مثلا سلاطة لبن تمر خبز بدون تسخين فواكه احلى شي اكل صحي
وسلامتكم متفقين معاي بهالشي ولا انتم من عشاق الطبخ والنفخ

اوف كل الا الطبخ عن نفسى امشيها تمر احلى شى بس لعيال مساكين يايين من المدارس

هاي كل ضحى وانتم بخير
اي سما قلتى مدارس الله يخليهم لج عيال المدارس
عاد اذا ياكلون ويبين فيهم الاكل تمام

اليوم سويت برياني دياي بس يارب يظل للعشا هههه
مريت فرع الجمعية واشتريت دقوس جاهز لزوم فتح الشهية
واخذت خيار مخلل ايراني هذا وايد حلو رهيب

تقولين تبينه يظل للعشا ؟؟؟؟ يعنى ماتبين يخلصونه بالغداوالدقوس انشاله كى دى دى ومخلل لخيار بالنكهه الألمانيه لا تقولين للنحيسه عنه تستاهل لا تتعرف عليه ههههههههههههه احنا لمخلل اليوم من المباركيه اممممم يستاهل بأك وعوافى العشا

اى على طارى المدارس اى ياكلونه يمسحون المواعين
يشجعونى عشان جذى انا للحين اطبخ ما
اعلنت عليهم المقاطعه

هلا سما اشدعوة انا اللي مقاطعة الطبخ بس هذي مثل ما تقولين احلام اني ما اطبخ واني مكتشفة اكل ما ينطبخ ههه .... مو اذا كلو الغدا حزة الغدا معناه وين العشا ونبي عشا بما معناه اني بطبخ مرتين باليوم ... اي بالعيد ههه

اي النحيسة تستاهل ما تتعرف على شي هههه
المباركية هذي شغلى الشاغل .... تصدقين كل مرة اروح لها ما يطلع بوجهي غير بو مية زين وين المخللات وين المقاهي والمشويات وين يبيعون العطورات والبخورات
ما ادري لا والمصيبة الهندي مال بو مية يمكن انا كاسرة خاطرة كل مرة هو يشوفني والظاهر مثبتني يطالع لي بنظرة شفقة وده يقولي ماما انت مضيع مو معقولة كل مرة يجي بو مية ومخلى الخير وراك هههههههههه

وناسة سوالف الضحى متابعة معاكم
واذا عندي سالفة بسدحها لكم

هلا غالية اي سدحي لنا سالفة
اليوم الضحى طلعت مشوار والجو وايد حلو والله حسافة ارجع البيت ودي بنزهة برية ا و بحرية اي شي المهم نزهة بس مو بروحي ما احب استانس بروحي اصلا اشلون الشخص يستانس بروحه ويضحك بدون ما يكون احد معاه اكيد بيقولون عنه خبل .... برجعتي من المشوار دخلت الجمعية اشتريت كرتونين دياي ساديا 1200 جم بس هذا اللي عندهم ومعجون وصلصة حارة طلع ب21 دينار وي ليش شنو شارية وبكم الكرتون ما ادري لان حضرتي دفعت وطلعت ولما وصلت البيت تذكرت انه غالي اشعقبه واشدعوة كرتونيني شارية ليش بتصير ازمة دياي ... قاعدة اكلم نفسي يعني هههه

هلا فيكم اشلونكم موضوع حلو

انا اليوم رحت سوق بالديرة واول شي دخلت مواقف السيارات بعدين غيرت رايي طلعت منه ودفعت 100 فلس للكرت
ورحت مكان ثاني ودخلت مواقف سيارات ولا زحمة وطلعت ودفعت 150 ههههههههههه يعني امشي وادفع حسافة على الربع اللي طار منى بلا فايدة وبعدين دخت قلت ارجع البيت يعني مشواري كان بس علشان ادفع فلوس عالفاضي
هههههههههههههههههه راجعة بسالفة يديدة

هلا وغلا حبابة والله انج فاضية واكيد ماعندج الا هالربع دفعتيه ورجعتي البيت هههههههه


انا اليوم افرفر بالقنوات التلفزيونية ... اكيد منو بيحطلي قنوات غير التلفزيون
ولا ذاك البرنامج اللي عن الديناصورات ... ترا لجونا بالديناصورات ... وكل سالفتهم ليش انقرضت واشلون ... زين وبعدين وشنو المهم بالديناصورات عشان حسافة عليها انقرضت صج الاجانب فاضيين
او انهم وايد علما و عباقرة عندهم فقالوا لهم شوفو الديناصورات ليش انقرضت وصار راسهم والف سيف الا يعرفون ههههههههه
ومعلومة مهمة طلعت فيها لكم ان كانو يقولون ان البترول اساسه الديناصورات وربعهم متحللين اثاري مو جذيه السالفة .... كان فيه عيون وابار بتروليه ومشت عليه الديناصوروات وغرقت فيه يعني الديناصورات سبب انقراضها البرك البترولية فكة
واللي يضحك بالموضوع انهم اكتشفوا احفورة ديناصور وا علية منكسرة ريله قبل لا يموت ويعة جدي
ولما بحثوا ودوروا على اللي حواليه اكتشفوا والاكتشاف خطير ان ديناصور ثاني كان متهاوش معاه وكسر ريوله
والثاني ما امداه يمشي خطوتين الا هو غرقان بالبترول على قولتهم يستاهل حوبة الديناصور ابو ريل مكسورة

ايه باجر اكمل السالفة لكم باي

انا من زمان مادخلت هنى مع انى فاضيه الضحى وما حوالى احد اسولف معاه المهم الضحى مافى غير الطباخ و استقبال عيال المدارس وسماع تقرير كل واحد فيهم والأبتدائى الى يايبلى سندويش المدرسه خاشه والى شاطر بالحصه ويعطيه الأستاذ قطع زياده مكافأه مثل الزبادى بالفواكه عاد هذا انا احبه ماشاء الله وجبات الوزاره تونس وحلوهحتى التوست بالجبن جبنهم عجيب .هههههههه اكيد بتقولون هذى مهيصه بوجبات الوزاره هههه مو دايم والله عيل شنو تقولون عن المدرسين لما يغيبون الطلبه جماعى ووووين تروح الوجبات عليهم بالعافيه

اذا جذيه حلوة وجبات المدرسة انا بشوف الايام اللي يغيبون فيها الطلبة واروح اسال عن علامات ولدي وبسأل بالمطعم جود يحوشني وجبة منى مناك هههه
طلعت الضحى وايد حلوة ومنعشة انا جربت هالشي اذا طلعت الضحى وتمشيت وحتى لو مشوار قصير ارجع البيت مرتاحة ومجددة نشاطي طول اليوم

مسا الخير اشلونكم

هلا حبايبي رجعت لكم بعد غيبة...<<<< منو داري عنج

ايه الضحى اليوم بقول لكم اللي بخاطري وكلمة تذكرتها
قالتها صديقتي المصرية
مريت بموقف صعب جدا جدا وتذكرت هالكلمة اللي طلعت منى عفوية وحسيت انها هي اللي تناسب موقفي الصعب هالكلمة
هي يااااااااه... نطقوها باللهجة المصرية مو بالكويتي
فرق

قالتها صديقي المصرية لما مرت بموقف صعب واحساس بأن الدنيا ما فيها خير اللي هالصديقة او المقربة تسوي هالموقف وعزت عليها نفسها فطلعت منها هالكلمة اللي عبرت عن الموقف بكل وضوح وحزن عميق
وبعد مرور الايام والشهور انا يصعب علي التعبير عن مكنونات صدري فما الاقي الا كلمة صديقتى المصرية

ياااااااااااااااه......يااااااه

هي يمكن قالتها مرة وحدة وانتهى الموضوع
لكن انا اقولها عشرات المرات ولا يبرد قلبي وانسى الموضوع
يااااااااااااااااااااه

ضربة الغريب! تقوي الظهر .. وتكشف للعين الكثير!
وضربة القريب! تكسر الظهر .. وتقتل في العين الكثير!

صدقتي يا زهرة

صباحكم فل معطر بياسمين يا احلى ناس
الجو وايد حلو والمطر صوته يجنن مال طلعة وتفرفر بالسيارة وريوق بالمارينا او دجاج تكا يا سلام

حياكم على الضحى

تدري ان الطبخ من اهم السمات الرئيسية لتنشيط الفكر وتجديد العقل لانه يساعد في التركيز بطريقة لا ارادية لضبط طعام الطبخ واتمنى ان طبخك ماينحرق اليوم تراني بزعل واطلب دليفري .

ربي يدوم عليكم السعادة