سقى الله زمان البدوية

[url][/url]

صورة قديمة لقرية البدوية مأخوذة من الاعلى

يا حليلها البدويه
مع اني ما اذكرها بس عندنا في منطقة الاحمدي التعليمية كانتين والله كل ما مريت صوبه اذكر البدويه واضحك شخباري بدائي حده .
تذكرون الدكاكين اول طاوله ومصفف عليها كراتين الحلويات وارفف مصفف عليها باقي الاشياء من معلبات و بساكيت وبطاط وجزء من هذي الارفف عبارة عن باب سري يدخل على ما ادري استراحة راعي الدكان وله مخزن بس كنا نشوف راعي الدكان يطلع منه اذا ما لقيناه وراى طاولته اللي يستخدمها لتقطيع الطماط عشان يحطه مع الجبن والدقوس حق اللي يشترون صمون جبن طماط ودقوس ههههههه والله ذكريات اكيد عيال هالايام ولا يتخيلونها مع وجود مركز سلطان واخوانه وبناته

ذكرتيني بدكان بندر اللي كان عبارة عن بقالة ومكتبة ومحل العاب وكان عالم مختلط فيه كل شي ههههه اكيد ايامها ما كان فيه بلدية يفتشون عليه ولا اشدخل المجلات مع الصمون والطباشير
يحليله نقول له نبي مجلة ماجد حضرته خاشها عباله اذا صارت قديمة يزيد سعرها ههههههههههههه وكله كوم ولا انه يبيع لج قصص المكتبة الخضراء روحه تطلع معاها ما وده يبيعها علينا خايف ما نقراها ههههههههههههههه ليش شارينها عيل نلف فيها صمون الطماط ههههههههههه

اظنها صورة قديمة موضوع شيق

انا ما اعرف البدويه بس من الصوره كانها قريبه من البحر واكيد اهى منطقه اندثرت من زمان .........فى شارع بفحيحيل اسمه البدويه ..........سقى الله زمان البدويه اكيد كان زمن نقى بسيط

اكيد كنتو صغار يا مملوحة و يا سما وما تذكرونها او مالكم ذكريات فيها بس انا اذكر كل التفاصيل وكلها على البال دايم على البال