يومى جميل

السلام عليكم اعزائى الأعضاء والزائرين كيف الحال احب اليوم اتكلم عن يومى الجميل هو جميل ليش لأنى ما اروح الدوام فهو تلقائيا بيكون جميل هههههههه الموظفين لا يتضايقون كنت فى احد طوابيركم بس الحين الحياه حلوه صج اشتغل بالبيت بس هم حلو لأنى انا المديره والنوم على الكيف اهم شى ..... اشوفكم انشاله بيوم ثانى

ياااااحلو التقاعد يا مديرة

عليكم بالعافيه بالقعده في البيت و الراحه من الدوام و الروتين اليومي

بالعافيه للمتقاعدين
وما قصروا بالعطاء والبذل
وتستاهلون الراحه والأحساس بالحريه والجمال
انتم السابقون ونحن اللاحقون

الله يعافيكم وعقبالكم ريحانه وحبوبه

ايه وعقبالي معاكم
موضوع حلو وتعبير روعة

عليكم بالعافية التقاعد

ما اجمل التقاعد ، لانه الفرصة الذهبية التي تعطى لك من العمل وباختيارك عندما تقفل بوجهك ابواب العطاء بسبب الاخرين فتختار وبكامل ارادتك ان تفتح بابا آخر على مصراعية للعطاء في مجالات أخرى وسوف تكتشف كم كنت محدودا في عطائك وانت في العمل مع منغصاته اليومية من مسئوليك الذين اعتقد بعضهم انهم يملكونك فيجب ان يوجهوك باسلوبهم كاحد الالعاب التي تدار بالريموت كنترول ولكن بالنسبة لهم بتعليماتهم وواسطاتهم وتجاوزهم القوانين التي تعرفها والموضوعة لحفظ حقوقك وحقوق الاخرين وتحدد الواجبات .
فهنيئا لكم معشر المتقاعدين ولا تنسوا وضع خططكم السنوية حتى لا تذهب سكرة لذة التقاعد في ايامه الاولى وتجرفكم فكرة الروتين اليومي لانكم نسيتوا وضع خططكم السنوية والاهداف الجديدة المتجددة .
مع حبي

يعطيج العافيه مملوحه والله يبعد عنكم منغصات العمل وفعلا معاج حق فى سالفه الخطه هههههههه عاد انا ما طفرنى من الدوام غير سالفة الخطط الأسبوعيه والشهريه والسنويه بس السالفه متعوده عليها وتخلينا نحط هدف ونحاول نوصله وخلال طريقنا له اكيد ماراح نقع فى مصيدة الروتين مع ان الدوام هم روتين وشكرا لتواصلكم

كل شي وعمل بالدنيا حلو اذا كان صاحبه يحبه ويبيه
بس الاهم تكون النفسية مرتاحة مثلا ممكن المدير وهو قاعد على مكتبه يكون متضايق وماله خلق الدوام وبنفس الوقت نلاقي عامل النظافة مبسوط واخر روقان ويغني بعد وهو ينظف ويخم
وبالنهاية هو اليوم جميل لان عيوننا تشوفه جميل

مشكورة مرة ثانية سما على الموضوع الحلو

انا اؤمن الحين ان التقاعد انواع ...

المعروف اجتماعيا التقاعد الوظيفي...

لكن في تقاعد اسميه (التقاعد النفسي )

هالتقاعد ما يفهمه ..
غير الي محد فاهمهم

تمر عليك فتره بحياتك ,خلاص تبي تنعزل شوي
تبي تنفرد بنفسك
محتاج تعيد ترتيب امورك وتجدد مشاعرك
وتستعيد طاقتك
محتاج وقت لنفسك وبس ..

وترد للمعركة << قصدي ترد للحياه ^_^


ومشكله اذا لقيت الي يعارضك ويتهمك بالدلع او الغرور او التغلي او المُعقد ....




ياخي كيفي
ليش المجتمع على كل شي حمقان !!!!!

صج بلاوي

وجهة نظر احترمها صح من حق كل انسان ينسحب من الحياه الاجتماعيه ليعيد ترتيب اوراقه او ليجديد طاقته كيفه , مادام مو قاعد يضر احد بس اذا محد خليه هم هذا دليل انه وجوده مؤثر والى فى محيطه يحبون وجوده او التواصل معاه ويحزنهم غيابه ,لان اذا بعد محد سال عنه (دى تبأ وكسه )

موضوع حلو والتقاعد صج اشكال وانواع
ومرات الانسان يتقاعد في بيته بمزاجه
شكرا يا سماعلى الموضوع المفيد